Baylar Kisili we Kembigheller Kisili

Baylar Kisili we Kembigheller Kisili

Dr. Memet Emin

Siz bu timini korgendin kiyin, belkim kiselmu bay kembighelning dep arilamdu dep sorushingiz mumkin. Heqiqetenmu kisel bay kembighelning dep ayrilmaydu. Adette kishilerning kisel bolushi yaki saghlam bolushi ularning ige bolghan bayliqi bilen biwaste munasiwetlik bolmastin, belki ularning bedinining immuyunut kuchi bilen biwaste munasiwetlik bolidu. Bedenning imiyunut kuchi kuchluk bolghanda, kiselge asan giriptar bolmaydu, yeni saghlam bolidu, eksinche bolghanda asan kisel bolup qalidu. Bezi kiseller kishilerning turmush we yimek ichmek adetliri, yashwatqan sharahitning tereqqiyat ehwali bilen munasiwetlik bolghachqa, ularning kishiler arisidiki tarqilish ehwali shu kishining we u kishi yashighan rayunning ihtizadi tereqqiyati bilen munasiwetlik. Shu munasiwet bilen bir qisim kiselliklerni baylar kisili we kembigheller kisili dep ikki xil turge ayrish mumkin.

Baylar kisili digen qandaq kisel?

Bezi kishiler, ixtizadi tereqqi qilghan rayon, dowletlerde we yaki ixtizadi yaxshi kishiler arisida kop uchuraydighan bezi kisellerni baylar kisili dep ataydighan bolup, bu kiseller Tajisiman Yurek Qan Tomur Kisili (冠心病), Yuquri Qan Bisimi (高血压), Qizil Qan Tomur Qitiwilish Kisili (动脉硬化) qatarliq yurek qan tomur kisili (心血管疾病), Minge Qansizlinip Olush Kisili (脑梗死), Mingige Qan Chushush Kisili (脑出血), Minge Qan Tomuri Qitishiwilish Kisili (脑血管硬化) qatarliq minge qan tomur kisili (脑血管疾病) we diaybit kisili (糖尿病) qatarliq kisellerni oz ichige alidighan bolup, bu kiseller asasen kishilerning gosh, may we tatliq yimeklikler qatarliq yuquri inirgiyelik yimekliklerni kop istimal qilishi bilen biwaste munasiwetlik bolup, herketni az qilidighan simiz kishiler arisida kop uchuraydu. Bu kisel adette ixtizadi tereqqi qilmighan kembighel rayunlardiki kembighel kishiler arisida bek kop uchurmaydu.

Shuni eskertip otushke erziduki, ixtizadi tereqqi qilghan dowletlerdiki heqiqi bay kishiler we mediniyet sewiyesi yuquri kishiler gosh mayni we tatliq yimekliklerni kop istimal qilishning ziyinini tonup yetkenligi, yimek ichmekte ozini qattiq konturul qilidighanlighi we beden chiniqturushqa alahide ehmiyet birishke adetlengenligi uchun, hazir bu atalmish “baylar kisili” heqiqi bay kishiler arisida kunsayin azlap, tereqqi qilghan memliketlerdiki kembigheller arisidila kop uchuraydighan bolup qaldi. Eger siz Amirkida alahide simiz ademni uchuratsingiz, siz u kishini ixtizadi kirimi we medinyet sewiyesi anche yuquri emes, we yaki hokumettin qutquzush puli ilip, baker yep baker ichidigha kishi dep perez qilsingiz, perizingizning toghura bolush ixtimalliqi 90% din artuq bolidu.

Kembigheller kisili digen qandaq kisel?

Bezi kishiler, ixtizadi tereqqi qilmighan rayon, dowletlerde we yaki kembighel kishiler arisida kop uchuraydighan bezi kisellerni kembigheller kisili dep ataydighan bolup, bu kiseller her xil tebirkiloz kisili (结核病), jigger yallughi (肝炎), bezgek (疟疾), kezik (伤寒), ichi suruk (痢疾)，qapliq qurut kisili (包虫病), her xil medde qurut kisili (寄生虫病) qartarlqi her xil yuqumluq kiseller we parazit qurut kisilini oz ichige alidighan bolup, bu kiseller asasen kishilerning yimek ichmeklirining nachar bolushi, yeni ozuqluq yitishmeslik, yimek ichmek tazliqining nachar bolushi, ichimlik suyining bulghunishi, kishilerning tazliq we ang sewiyesining towen bolushi qatarliq sewepler bilen biwaste munasiwetlik. Bu kiseller adette Afriqining otur qismidiki tereqqi tapmighan dowletler bilen bezi Asiya dowletliride kop uchuraydu, biraq tereqqi qilghan gherip memliketlerde we chong sheherlerdiki ixtizadi yaxshi bolghan bay kishiler arisida asasen bek kop uchurmaydu.

Uyghurlar yashawatqan muhit adette ixtizadi tereqqi qilmighan rayon hisaplinidighan bolup, yuqurda dep otken “kembigheller kisili” kop uchurghandin bashqa, Ughurlarning gosh mayni kop istimal qilish, haraq tamakigha kop birilishi, beden chiniqturushqa ehmiyet bermesliktek bezi nachar turmush adetliri sewibidin yuqurda dep otken “baylar kisili”mu kop uchuraydu.

Uyghur rayunining keng yiza qishlaqlirida kishilerning kembighelliqi, yashash sharahitining nacharliqi, tazliq ingining towenliki, yimek ichmikining bolupmu ichimlik suyining bulghunishi we yaki bulghanghan sularni istimal qilishqa mejbur bolushi, we yaki olchemge toshidighan pakiz suning yiterlik bolmasliqi, bezilerning hetta yoqsuzluq tupeylidin yiterlik ozuqluqqa irishelmesliki qatarliq seweplerdin yuqarda dep otken “kembigheller kisili” kop uchursa, Urumchi, Ghulja, Qeshqer qatarliq chong sheherlerde, kishiler her xil olturash we mihmandarchiliqlarda chong yep chong ichip, heddidin ziyade kop haraq we tamakilargha birilgenligi sewibidin yuqurda dep otken “baylar kisili” dinmu teng “behriman” bolmaqta.

Jinsi Yuqumluq Kisellikler

Jinsi Yuqumluq Kisellikler

(Sexual transmitted diseases, STD)

Dr. Memet Emin

Jinsi yuqumluq kisel digen qandaq kisel?

Jinsi yuqumluq kisel (sexual transmitted diseases, STD) diginimiz jinsi munasiwet arqiliq kishiler arisida oz ara yuqudighan yuqumluq kiselliklerni korsitidighan bolup, bu xildiki kisellikler towendikidek alahidilikke ige.

1. Bu xil kisellik asasliqi erlerning meni, ayallarning jinsi suyuqlighi we qan arqiliq kishiler arisida oz ara tarqaydu.
2. Eger birsi bu xil kiselliklerge giriptar bolghan herqandaq bir kishi bilen jinsi munasiwet otkuzse, u kishide bolghan shu kiselni ozige yuqturiwalidu. Shunga birdin artuq jinsi hemrasi bar kishilerning bu xildi kiselge giriptar bolush ihtimallighi yuquri bolidu.
3. Bu xildiki kisellerning mutleq kop qismining yuqumlunushchanlighi nahayti yuquri bolidu.
4. Bu xildiki kisellerning kopunchisi adem bedinining imiyunut kuchini ajizlashturidu. Adem bu xil kiselge giriptar bolghandin kiyin, bashqa kisellerge giriptar bolush xetiri yuquri bolidu.
5. Kishiler bu xil kiselge giriptar bolghandin kiyin bedende bu xil kiselge nisbeten imiyunut kuchi peyda bolmaydu, bu kishining bu xil kiselge qayta giriptar bolush ihtimali yenila mewjut bolidu.
6. Bu xil kiselge giriptar bolghan erlerning alamiti iniq we ashkare boludu, yeni bu xil kiselge giriptar bolghan erlerde melum mezgildiki yoshurun mezgilidin kiyin kisellik alametliri iniq ipadilini chiqidu.
7. Bu xil kiselge giriptar bolghan ayallarning mutleq kop qismining alamiti yoshurun bolidu. Bezilerge hetta uzun muddet diyagunuz qoyulmasliqi mumkin. Shunga ayallarning bu xil kiselliklerni erlerge yuqturush ihtimali yuquri bolidu.

Uyghurlar arisida kop uchiraydighan jinsi yuqumluq kisellikler

Bezi jinsi yuqumluq kiselliklerning Uyghurlar arisida tarqawatqanlighigha uzun yillar bolghan bolsimu, biraq yiqinqi yillardin biri Uyghurlar arisdia tarqawatqan jinsi yuqumluq kisellirining turi kunsayin kopeymekte, tarqilish ehwali kunsayin ighirlashmaqta. Hazir dunyaning herqaysi jaylirida tarqawatqan jinsi yuqumluq kiselliklerning hemmisi Uyghur arisida tipilidighan bolup, ular towendikilerdin ibaret.

1. Soznek (Gonorrhea, 淋病)
2. Ayallarning Jinsi Yol Aqma Qurut Kisili (Trichomoniasis, 指阴道毛滴虫病)
3. Ayallarning Jinsi Yoli Yallughi (Vaginitis, 阴道炎)
4. AIDS kisili (HIV/AIDS, 爱滋病)
5. Suduk Yallughi (Nongonococcal Urethritis, 非淋菌性尿道炎)
6. Das Songek Boshlughi Yallughi (Pelvic Inflammatory Disease, 感染性盆腔疾病)
7. Siblis Kisili (Sypxilis, 梅毒)
8. Jinsi Eza Qichishqaq Kisili (Genital Scabies, 生殖器疥疮)
9. Jinsi Eza Sugeli (Genital Warts, 生殖器疣)
10. Otkur Suluq Sugili (Acuminate Condyloma, 尖锐湿疣)
11. Jinsi Eza Qoqaqi (Genital Herpes, 生殖器疱疹)
12. Jinsi Eza Yarisi (Chancroid, 软下疳)
13. Jinsi Eza Kilimidiye Yallughi (Chlamydia, 衣原体病)
14. Uyat Yiri Pishitlap Qilish (Pubic Lice, 阴部虱子)

Jinsi Yuqumluq Kiselliklerde qandaq alametler bolidu?

Jinsi yuqumluq kiselliklerning alametliri asasen jinsi ezagha merkezleshken bolup, ohshimighan kisellerde ohshimighan alametler bolidu. Erlerning alamiti kopunche hallarda iniq we ashkare boludu, yeni bu xil kiselge giriptar bolghan erlerde melum mezgildiki yoshurun mezgilidin kiyin kisellik alametliri iniq ipadilini chiqidu. Ayallarning mutleq kop qismining alamiti yoshurun bolidu. Bezi ayallar bezi jinsi yuqumluq kiselge giriptar bolghandin kiyin uzun muddet diyagunuz qoyulmasliqi mumkin.

Soznek (Gonorrhea, 淋病) te suduk yolidin yaki jinsi ezadin aq yiringliq jinsi suyuqluq iqip chiqidighan bolup, jinsi eza koyup ichiship aghridu. Suduk Yallughi (Nongonococcal Urethritis, 非淋菌性尿道炎), Jinsi Eza Kilimidiye Yallughi (Chlamydia, 衣原体病) qatarliq kisellerde jinsi eza suyuqluqi kopiyish, suduk yoli yaki jinsi eza ichiship aghrish, bolupmu kichik teret qilghanda bu xil aghrish tihimu eghir bolushtek alametler bolidu. Ayallarning Jinsi Yoli Yallughi (Vaginitis, 阴道炎), Ayallarning Jinsi Yol Aqma Qurut Kisili (Trichomoniasis, 指阴道毛滴虫病), Das Songek Boshlughi Yallughi (Pelvic Inflammatory Disease, 感染性盆腔疾病) qatarliq kisellerde jinsi eza suyuqluqi normal bolmasliq, yeni renggi, puriqi we miqdaride ozgurush bolush, belning towen teripi tilip aghrish qatarliq alametler bolidu. Siblis Kisili (Sypxilis, 梅毒), Jinsi Eza Sugeli (Genital Warts, 生殖器疣), Otkur Hol Sugel (Acuminate Condyloma, 尖锐湿疣), Jinsi Eza Qoqaqi (Genital Herpes, 生殖器疱疹), Jinsi Eza Yarisi (Chancroid, 软下疳) qatarliq kisellerde jinsi ezagha sugel, qoqaq, yara yaki osme peyda bolup, aghrish qatarliq alametler bolidu. Uyat Yiri Pishitlap Qilish (Pubic Lice, 阴部虱子), Jinsi Eza Qichishqaq Kisili (Genital Scabies, 生殖器疥疮) qatarliq kisellerde asasliqi jinsi eza, uyat yiri qichishish qatarliq alametler bolidu.

Jinsi Yuqumluq Kiselliklerning aqiwiti qandaq bolidu?

AIDS kisili bilen Siblis Kisilidin bashqa mutlek kop qisim Jinsi Yuqumluq Kisellikler gerche adem hayatigha tehdit ekelmisimu, biraq kishilerge kopligen rohi we jismani azaplarni kelturidu, inaq ahile turmushigha dexli qilidu, shundaqla tughmasliq we yaki kiyinki ewlatning supitige dexli qilishtek yaman aqiwetlerni kelturup chiqiridu.

Kishiler Jinsi Yuqumluq Kiselliklerge giriptar bolghanda, bezi en eniwi koz qarash tupeylidin waxtida doxturgha birip tekshurush dawalash ilip barmaydu, netijide dawalash asan bolghan bezi kisellermu dawalash waxtini qoldin birip qoyghanlighi uchun, saqaymas kiselge aylinip, kishilerni bir omur azapqa qoyidu.

Uyghurlar arisidiki jinsi yuqumluq kisellikler ehwalining eghirlishishigha sewep bolghan amillar

1. Pahishe bilen shughullanghuchilarning kunsayin kopiyishi we kishilerning enenewi ahile qarashining suslishishi.

2. Kishilerning taziliq engining bolupmu jinsi taziliq engining towen bolushi, jinsi munasiwette ozini qoghdashni bilmesliki we ozini qoghdashqa ehmiyet bermesliki.

3. Kishilerning exlaqi pezilet olchimining towenlishishi, yashlar arisidiki exlaq pezilet we dini etiqad terbiyening kem bolushi we dini itiqatning suslishishi, bir qisim yashlarning jinsi munasiwetke qarghularche intilishishi.

4. En-eniwi er ayal we ahile munasiwitining buzulishi, er ayallarning bir birige bolghan sadaqetmenligining kunsayin towenlishishi.

5. Turaqsiz kishilerning kunsayin kopiyishi, turaqsiz kishiler arisidiki jinsi yuqumluq kiselliklerning yahshi konturul bolmasliqi.

6. Namiratliq we ishsizliqning kopiyishi.

7. Muteleq kop sandiki kishilerning jinsi yuqumluq kisellikliri toghursida hichqandaq chushenchige ige emesligi.

Jinsi yuqumluq kiselliklerni qandaq qilghanda unumluk konturul qilghili bolidu?

1. Qanuni tuzumni mukemmelleshturush we saghlamlashturush, pahishe ishliri bilen shughullanghuchilar yaxshi konturul qilish kirek, bolup yuqumluq kisellikler bolush ihtimali bolghanlarni muhapiq konturul qilish kirek

2. Er ayallar bir birige sadiq bolushi, en eniwi ahile munasiwitini kuchaytish, qalaymiqan kishiler bilen jinsi munasiwet otkuzmeslik kirek.

3. Kishilerning exlaq pezilet olchimini yuquri koturush, dinni itiqatni kuchaytish kirek.

4. Teshwiqatni kucheytish we barliq unumluk usul charilerni qollunup, putun xelqning her xil yuqumluq kiselliklerge bolghan chushenchisini yuquri koturush kirek.

5. Kishilerning taziliq ingini bolupmu jinsi taziliq engine yuquri koturush, qandaq qilghanda jinsi yuqumluq kiselliklerdin saqlanghili bolidighanliqni bildurush kirek.

6. Turaqsiz kishilerni yaxshi konturul qilish, ishsizliqni azaytish kirek.

7. Er ayal bir terepte herqandaq jinsi yuqumluq kisel bolush ihtimalliqi bolsa, darhal doxturgha birip korunup, waxtida dawalinishi kirek.

8. Jinsi yuqumluq kiselliklerge bolghan chushenchini yuquri koturush, ozini qandaq qoghdashni bilish we ozini qoghdashta muhapiq tebbir qollunush kirek.

Emchek Raki (Breast Cancer)

Emchek Raki (Breast Cancer)

Dr. Memet Emin

Emchek Raki (Breast Cancer) digen qandaq kisel?

Emchek raki “Emchek Bezliri Raki, 乳腺癌” ning qisqartilmisi bolup, yaman xaraktirlik (malignant，恶性) emchek osmisini kozde tutidu. Bu kiselning mutleq kop qismi ayallarda bolidighan bolup, bir qismi erlerde bolidu.

Emchekning roli ayal yenggigendin kiyin sut ajirtip chiqirish bolup, asasliqi may toqulmiliri bilen nurghunlighan kichik bezlerdin tuzulgen. Bu bezler kichik neychiler arqiliq oz ara tutushup, emchek tugunchisige toplishidu. Eger emchek raki emchek bezliride yuz bergen bolsa, u emchek bez raki (lobular carcinoma，乳腺小叶癌) dep atilidu. Eger emchek raki emchek bez neychiliride yuz bergen bolsa, u emchek bez neyche raki (ductal carcinoma, 乳腺管癌) dep atilidu.

Adette emchekning may toqulmilirida peyda bolghan rak nahayti kem uchuraydu. Emchek raki qan, limfa we bashqa yollar arqiliq bedenning bashqa jaylirigha tarqaydu, bu rakning kengiyishi (metastasis，癌转移) dep atilidu. Emchek raki kopunchi hallarda opkige, songekke, jigerge we mingige taraydu. Emchek rakining dawalash unumi emchek rakining etirapqa tarqalghan yaki tarqalmighanlighi bilen biwaste munsiwetlik. Eger emchek raki emchekning ozidila cheklengen bolsa yaki etirapigha kengeymigen bolsa, dawalash unimi yaxshi bolidu.

Emchek raki qandaq peyda bolidu?

Emchek rakini kelturup chiqarghan heqqi sewep tixi iniq emes, shundaqtimu tibbi alimlar emchek raki bilen munasiwetlik birqanche xeterlik amillarni iniqlap chiqqan.

Towendiki amillar kishilerning emchek rakigha giriptar bolush ihtimalliqini ashuridu.

1. Yash: ayallar 50 yashtin ashqanda emchek raki bolush ihtimallighi 30 yashliq ayallargha nisbeten 8 hesse artuq bolidu.
2. Burunqi emchek rak tarixi barlar.
3. Ahiliside emchek rak kisili tarixi barlar. Ahiliside birersi burun emchek rakigha giriptar bolghan bolsa, bundaqlarning emchek rakigha giriptar bolush ihtimali yuquri bolidu.
4. Haraq qatarliq ispiritliq ichimliklerni kop istimal qilghan ayallarning emchek rakigha giriptar bolush ihtimal yuquri bolidu.
5. Radiyaktipliq nurlar bilen uchurshush, ayallarning emchek rakigha giriptar bolush xetirini ashurwitidu.
6. Tamaka chikish, ayallarning emchek rakigha giriptar bolush ihtimalini ashuridu.
7. Kop qitim emchek yallughigha we bashqa emchek kisilige giriptar bolghanlar.
8. Hawaning bulghunushi yaki bulghanghan hawada uzun muddet yashash.
9. Kop qitim bala aldurwitish yaki kop qitim balisi cushup kitish.
10. Gin ozgurushi (genetic mutations, 基因突变)
11. Hormun bolupmu ayalliq hormun (estrogen, 雌性激素) qatarliq jinsi hormun (sex hormones, 性激素) emchek rakigha giriptar bolush xetirini ashiridu.
12. Baldur heyiz kilish bolupmu tunji heyiz 12 yashtin burun kilish.
13. Heyiz kichikip toxtash (late menopause)
14. Bir omur ighir ayaq bolmasliq, yaki kichikip ighir ayaq bolush.
15. Ighirayaq bolushtin saqlinidighan dorini ishlitish.

Towendiki bir qisim amillar ayallarning emchek rakigha giriptar bolush ihtimallighini towenlitidu.

1. Yash eghir ayaq bolush, yeni 30 yashtin burun eghir ayaq bolush.
2. Bowaqni apa suti bilen imitish, yene balini en eniwi usul bilen imitish.
3. Emchek taziliqigha alahide ehmiyet birish, bolupmu bowaqni imitiwanqan mezgilde, emchekning yalughlunip qilishtin saqlinish.

Emchek rakida qandak alametler bolidu?

Emchek rakining asasliq alimiti emchekte yingi osmining tasadipi bayqilishi bolup, desliwide hichqandaq biaramliq alamet bolmaydu. Rakning deslepki mezgilide bu tasadipi bayqalghan osme herketchan bolup, yaxshi supetlik (benign，良性) emchek osmisidin periqlendurush anche asan emes. Buningliq uchun doxturxanigha birip emchektin toqulma ilip tekshurush (biopsy，活组织检查) kirek. Peqet shundaq qilghanda, andin ishenchilik diyagunuzgha irishkili bolidu.

Emchek rakining otura we axirqi mezgilide emchekte midirlitish qiyin bolghan yeni etirapqa ching tutashqan osme bolghandin bashqa, kisel tereptiki qolni herkenlendurgende kokrek aghrish, bezide emchektin az miqdardiki qanliq suyuqluq ajirlip chiqish, qoltaqta limfa bez osmilirini bayqashtek alametler korulidu. Yeni bezi kiseller opkini rintiginge alghanda, opkide osme bayqilidu. Yeni bezi kisellerde kokrek songekliri aghrishtek alametler bolidu. Bu addette axirqi basqucta korilidighan alametler bolup, bu waqitta diyagunuz qoyush anche qiyin emes, biraq dawalsh unimi yaxshi emes. Shunga eng muhimi emchek rakini baldur bayqash kirek.

Emchek rakini qandaq bayqighili bolidu?

Emchek rakining dawalash unimining qandaq bolushi, rakning baldur bayqilishida. Emchek raki qanche baldur bayqalsa, dawalash unimi shunce yaxshi bolidu. Baldur bayqash uchun 40 yashtin ashqan ayallar dawamliq oz ozini tekshurup turush kirek. Tekshurush usuli adette nahayti addi bolup, ong qolini sol emchikining, yaki sol qolini ong emchikining ustige qoyup normal bisim bilen tekshurush. Eger emchekte herqandaq osme bolsa bu xil usul bilen nahayti asanla sezgili bolidu. Barmiqingiz bilen emchekni mojuqlisingiz, xata netijige ige bolisiz, bu emchek osmisini bayqashning toghura usili emes.

Eger siz oz ozingizni tekshurush arqiliq, emchikingizdin herqandaq gumanliq osmini bayqisingiz, derhal doxturgha korunung. Doxtur sizge munasiwetlik tekshurushlerni ilip baridu. Isingizde bolsun, emchek rakigha eng axirqi diyagunuz qoyushning usuli emchektin toqulma ilip tekshurush (biopsy, 活组织检查) bolup, u adette zexmilik tekshurush hisaplinidu. Doxtur adette chong yingne bilen yaki kichik opiratsiye qilish arqiliq emchek osmisidin az miqtarda toqulma ilip, uni mikraskop astida tekshurush arqiliq rak hujeylirini tapidu. Shu arqiliq eng axirqi diyagunuzni qoyudu. Bezide emchektin ilinghan toqulma osmidin ilinmay, bashqa normal emchek bezliridin ilinip qalsa, u ilinghan toqulmida rak hujeyrisi bayqalmaydu. Bundaq ehwal astida, aldirap emchek rakini inkar qiliwetmeslik kirek. Hajiti bolghan yene bir qitim qayta tekshurup biqish kirek.

Dawalash

Emchek rakining asasliq dawalash usuli opiratsiye qilip rakni we etirapidiki tarqash ihtimali bolghan lifa bezlirini kisip iliwitish bolup, opiratsiyening unimi rakning baldur bayqilishi yeni rakning etirapqa tarqimighan bolushi bilen biwaste munasiwetlik. Rak qanche baldur bayqalghan bolsa, rak osmisi qance kichik bolsa we etirapqa kengeymigen bolsa opiratsiyening unimi shunche yaxshi bolidu. Undin bashqa dora, radiyaktipliq nur we hormun qatarliq dawalash usulliri bolup, bularning hemmisi opiratsiyening ornini alalmaydu. Bu dawalash usulliri adette opiratsiye bilen teng ilip birilidu yaki opiratsiye qilish pursiti otup ketken, exwali nacar bolghan, yaki opiratsiye qildurushni xalimaydighan bezi kisellerge sinaq tereqiside ilip birilidu, biraq unimi anche yaxshi emes. Shunga 40 yashtin ashqan ayallar, eng yaxshisi qerelik beden tekshurup ilip birishi, kiselni baldur bayqishi kirek.