Blog Archive

Thursday, April 30, 2015

Su we saghlamliq

Memet Emin
ماقالىنىڭ كونا يىزىق نۇسقىسىنى بۇ يەردىن كۆرۈڭ
http://bbs.bagdax.cn/thread-42171-1-1.html

Su - dunyadiki her qandaq bir hayatliq uchun eng muhim bolghan madda bolup, hayatliq mewjut bolushning aldinqi sherti sudur. Su bolmighan yerde hayatliq mewjut emestur.

Adem beden ighirlighining 60% sudin terkip tapqan. Adem bedinidiki muhim organlar ichide yurek bilen mingening 73%, opkining 83%, tirening 64%, muskul we borekning 79%, songekning 31% sudin terkip tapqan.

Tebiyet dunyasidiki su uzluksiz aylinip turghan'gha oxshash adem bedinidiki sumu uzluksiz aylinip turush arqiliq bedendiki qalduq maddilarni tazlap chiqirip, bedenning her xil fonkisiyesini normal saqlash rolini oteydu.

Suning bedende oteydighan xizmetliri
1.     Bedendiki barliq hujeyrilerning yashash we kopiyish muhitining asasi.
2.     Qanning asasliq terkiwi we uning rawan aylinishining kapaliti.
3.     Bedendiki barliq qalduq maddilarni tazlap beden sirtigha chiqarghuchi.
4.     Beden tempiraturisini normal dahirde tengsheshte nahayti muhim rol oynaydu.
5.     Hezim qilish suyuqliqi we hormunlarning terkiwi.
6.     Bedendiki barliq tire we shilimshiq perdilerning nemlikini we siliqliqni qoghdash rolini oynaydu.

Undaqta adem bedini kunige qanchilik sugha ihtiyajliq? Bu sualgha jawap birishtin ilgiri aldi bilen adem bedinining kunige qanchilik miqdarda su yoqitidighanliqigha qarap chiqishimiz kirek.

Beden ighirliqi 70 kilogiram kilidighan saghlam bir adem, normal (yeni issiqmu bolmighan, soghuqmu bolmighan) hawada, alahide herket qilmighan we terlimigen ehwal astida kunige kem digende 2200 millilitir su yoqitidu. Bedinimiz kunige suduk (3, 4 qitim siyish) arqiliq 1500 millilitir, kunige bir qitim normal chong teret qilish arqiliq 100 millilitir, jinsi suyuqluq, koz yishi, sholgey we tukuruk qatarliqlar aqrqiliq 100 millilitir su yoqatqandin bashqa kunige 500 - 650 millilitir kozge korunmigen suni tire we nepes yolliri arqiliq yoqitidu. 

Eger kunduluk suduk miqdari 1500 millilitirdin az bolsa, bedende su yitishmeslik bar dep qarashqa bolidu. Beden her xil sewepler tupeylidin yiterlik usuzluq istimal qilmighanda, beden aldin bilen suduk we ter miqdarini towenlitish arqiliq, bedendiki muhim eza we organlarning sugha bolghan ihtiyajini kapaletke ige qilish bilen bir waqitta usash, ighizi qurush tuyghisi peyda qilish arqiliq bizni kem qalghan usuzluqni toluqlashqa undeydu. Eger biz her xil sewepler tupeylidin uzun muddet yiterlik su istimal qilmighinimizda, bedinimizdiki su qayta texsim bolidu, bedinimiz su kemlikke asta asta konup qalidu, netijide usash, ighizi qurush tuyghusi bolmaydu. Bu xil su kemlik uzun muddet dawam qilghanda, towendiki yaman aqiwetler kilip chiqishi mumkin.

1.     Borek we suduk yolida tash peyda bolush ihtimalliqi yuquri bolidu
2.     Yurek kisilige giriptar bolush ihtimalliqi yuquri bolidu.
3.     Tire siliqliqi yoqap, tire quruqluq we tire yirilish kilip chiqidu.
4.     Xelpik qoyuqlushup, tukurup chiqirish qiyinlishidu, nepes rawanliqi tesirge uchuraydu.
5.     Suduk miqdari azlap, bedendiki her xil qalduq maddilar we zeherlerning beden sirtigha ajirtip chiqirlishi tesirge uchuraydu.

Undaq iken adem bedini kunige eng kem digende shu kunduluk yoqalghan 2200 millilitir suni toluqlashqa ihtiyajliq. Eger issiq hawa we yaki jismani emgek, beden chinuqturush  sewebidin terligende, nepes tizleshkende, chong teret miqdari we yaki chong teret qitim sani kopeygende, bedendin yoqalghan su miqdari kopeygini uchun, istimal qilidighan sumu nisbi halda kopiyishi kirek.

Tibbi tetqiqat netijilirige asaslan'ghanda balaghetke yetken erler kunige 3.7 litir (3700 millilitir), ayalar 2.7 litir (2700 millilitir) usuzluqqa ihtiyajliq. Biz kunduluk yimeklik arqiliq bedinimiz kirekliq bolghan usuzluqning 25% tige ige bolalaymiz, qalghan qismini usuzluq istimal qilish arqiliq ige bolimiz. Shundaq bolghanda ayallar kunige texminen 2.2 litir,  erler kunige 3.0 litir usuzluq ichishi kirek.

Usuzluq digende haraq we piwedin bashqa ichimliklerning hemmisini ozi ichige alidu. Haraq bilen piwe adem bedinidiki su miqdarini toluqlash rolini otimeydu, eksinche su miqdarining yoqulishini kelturup chiqiridu, shu seweptin bedende su kem bolghanda haraq we piwa ichish teshebbus qilinmaydu.  Eng saghlam bolghan ichimlik su bolup, sudin bashqa ichimlikler gerche bedendiki su maddisini toluqlash tolini otisimu, biraq bashqa ichimliklerni bolupmu miwe suyi, shikerlik chay, qehwe qatarliqlarni kop istimal qilghanda gerche suduk miqdarini kopeytip bedendiki qalduq maddilarni tazilash rolini otisimu biraq beden ighirliqining iship kitishini kelturup chiqirishi mumkin.

Adem bedini yiterlik usuzluqqa (sugha) irishkende
1.     Bedendiki barliq zeherlik maddilarni, qalduq maddilarni, baktiriye, virus ajirtip chiqarghan zeherlerni beden sirtigha ajirtip chiqirip, beden saghlamliqini qoghdighili we saghlamliqning eslige kilishini tizletkili bolidu.
2.     Borek we suduk yolida tash peyda bolushtin saqlan'ghili bolidu.
http://www.clinicaladvisor.com/kidney-stones-water-intake/article/409759/
3.     Yurek kisilige giriptar bolush ihtimalliqini towenletkili bolidu.
http://www.care2.com/greenliving/drinking-more-water-could-save-you-from-a-heart-attack.html
4.     Tire we shilimshiq perdilerni siliq we saghlam saqlighili bolidu.
5.     Xelpikni boshatqili, nepesni rawanlashturghili bolidu.
6.     Bedenning her xil fonkisiyelirining normal yurushi kapaletke ige bolup, uzun omur korush uchun asas yaritilidu.


Bu maqalining kona yiziq nusqisini towendiki adiristin korung
http://dohturum.com/forum.php?mod=viewthread&tid=2156&extra=&_dsign=902d938f

Wednesday, April 1, 2015

Uxlawatqanda nepisi toxtap qilish

Sleep Apnea  睡眠呼吸暂停

Memet Emin

Uxlawatqanda nepisi toxtap qilish diginimiz adem uxlawatqanda nepesning ushtumtut qayta qayta qisqa muddet toxtap qilishni korsitidu.

Biz normalda uxlawatqanda her minutta 12 qitim nepeslinimiz; yeni biz her 5 sikunutta bir qitim nepes alimiz. Eger bizning nepisimiz qisilghan we yaki nepeslenmigen waxtimiz, yeni opkimizge kiriwatqan hawa iqimi azlap ketken we yaki putunley tosulup qalghan waqit 10 sikinuttin iship ketse, biz buni bir qitimliq nepisi toxtash - towenlesh korsetkuchisi (Apnea Hypopnea Index, AHI) dep ataymiz.

Eger biz uxlawatqanda, bir saet ichide yuz bergen bu xil nepisi toxtash - towenlesh korsetkuchisi (AHI) 5 din artuq bolsa, yeni bir saet ichide yuz bergen nepes toxtash – towenlesh qitim sani 5 qitimdin artuq bolsa, biz uxlawatqanda nepisi toxtap qilish kisilige giriptar bolghan bolimiz;

Eger nepisi toxtash - towenlesh korsetkuchisi (AHI) her bir saette 5 qitimdin artuq 15 qitim towen bolsa Yenggil derijidiki nepisi toxtap qilish hisaplinidu.
Eger nepisi toxtash - towenlesh korsetkuchisi (AHI) her bir saette 15 - 30 qitim arisida bolghan bolsa otura derijilik nepisi toxtap qilish hisaplinidu.
Eger nepisi toxtash - towenlesh korsetkuchisi (AHI) her bir saette ichide 30 qitimdin artuq yuz berse ighir derijidiki nepisi toxtap qilish hisaplinidu.

Uxlawatqanda nepisi toxtap qilish kisilige giriptar bolghan kishilerde, uxlawatqanda nepesning toxtap qilishidin kilip chiqqan oksigin kemlik sewebidin minge ghidiqlinip qayta qayta uyqidin oghunup kitish, qayta qayta  orulush arqiliq uxlash sheklini ozgertish, netijide uyqining supiti we miqdari yiterlik bolmasliq qatarliq ehwallar bolidu.

Adette uxlawatqanda nepisi toxtap qilish towendikidek 3 xil bolidu:
1.     Nepes yolining tosulap qilishi xaraktirliq nepes toxtap qilish
2.     Nirwa xaraktirlik nepisi toxtap qilish
3.     Arilashma xaraktirlik nepisi toxtap qilish

Adette eng kop uchiraydighan uxlawatqanda nepisi toxtap qilish nepes yoli tosulap qilish xaraktirlik nepisi toxtap qilish (Obstructive sleep apnea, OSA)  bolup, men bu yerde peqetla bu kisel toghursida toxtulup otmekchimen.

Undaqta nepes yoli tosilap qilish xaraktirliq uxlawatqanda nepisi toxtap qilish nime seweptin kilip chiqidu?

Ighiz boshluqidiki toqulmilar boshushup ketkende, simizlik sewebidin ighiz boshluqidiki bezi toqulmilar normaldin chong bolghanda, asta xaraktirliq yallughlunush sewebidin ighiz boshluqidiki bez we limfa tugunchiliri chongiwalghanda, uxlighandiki yitish ehwalining oxshimasliqigha asasen bu normaldin chong bolghan  we yaki boshap ketken toqulmilar nepes yoli terepke sanggilap chushup, nepes yolini tosuwilish sewebidin kilip chiqidu.

Qandaq kishiler bu kizelge asan giriptar bolidu?

1.     Simiz kishiler, bolupmu boyi pakar, boyni qisqa kishiler
2.     30 yashtin ashqanlarda,  hem yashning ishishigha egiship eghirlishidu.
3.     Erler, yeni erlerning bu kiselge giriptar bolush ihtimali ayallargha nisbeten kozge korunerlik derijide yuquri bolidu. Amirka kisellikni konturul qilish idarisining sanliq melumatlargha asaslan’ghanda Amirkidiki balaghetke yetken erlerning 4%, ayallarning 2% bu kiselge giriptar bolghan iken.
4.     Adette beden chinuqturmeydighan we yaki herketni az qilidighan bedendiki muskul we toqulmilar bosh kishilerde.
5.     Tamaka chekken kishilerde
6.     Haraq ichken kishilerde

Bu kiselning kisellik alametliri

1.     Uxlighanda ighir xorrek tartish;
2.     Ushtumtut xorriki yoqap kitish, we yaki nepisi toxtap qilish, 10, 20 sikinottin kiyin qayta eslige kilish, we bu xil ehwal qayta qayta dawam qilish;
3.     Uxlawatqanda nepisi qiyinlishish yaki xiqirap qilish;
4.     Uyqusi yaxshi bolmasliq we kichide qayta qayta oghunup kitish;
5.     Etigende bishi aghrish, we harghinliq his qilish;
6.     Uyqigha qanmasliq, kunduzliki mugdep qilish we yaki putun kun esnep chiqish;

Bu kiselning aqiwiti

Uxlawatqanda nepisi toxtap qilish kisilige giriptar bolghan kishilerde asta xaraktirlik mingige oksigin yitishmeslik sewebidin towendiki alametler we aqiwetler kilip chiqidu:
1.     Iside saqlash qabiliyiti towenlep kitish;
2.     Xizmet we ugunushning unimi towenlep kitish;
3.     Asan qatnash weqesige uchurash;
4.     Yurek minge qan tomur kisilige, giriptar bolush;
5.     Yuquri qan bisimi kisilige giriptar bolush
6.     Opke qizil qan tomur bisimi yuquri bolush;
7.     Yurek tiqilmisigha, yurek zeyiplikige giriptar bolush we olup kitish;

Sanliq melumatlargha asaslan’ghanda putun dunyada her xil sewepler tupeylidin olup ketken kishiler ichide 30% adem yurek qan tomur kisili sewebidin olup kitiwatqan bolup, bu kishilerning 30-40% tide bu kisel bar iken; bu kiselge giriptar bolghan kishilerning 50% ti etirapida  yurek qan tomur kiselliri bar iken.

Diyagunuz

Bu kiselge giriptar bolghanlarning kop qismi ozide bundaq bir kiselning barliqini bilmeydu. Amirkining kisellikni konturul qilish idarisining sanliq melumatigha asaslan’ghanda bu kiselning kisellik alametliri bolghan her 50 adem ichide aran bir adem bu kisel toghursida tekshurush ilip biril diyagunuz qoyulghan iken. Shunga bu kiselge baldur diyagunuz qoyush we muwapiq bir terep qilish yaman aqiwetlerning kilip chiqishining aldini ilishta bek muhim;

1.     Kisellik alametlirige asasen diyagunuz qoyush;
2.     Uyqa ewalini we qandiki oksigin miqdarini tekshurush;
3.     Polysomnogram (PSG) digen tekshurush bu kiselge diyagunush qoyushta eng mohim bolghan tekshurush hisaplinidu;

Oz ozige diyagunuz qoyush usuli

Towendiki 8 xil ehwalgha noldin uchqiche nomur qoyusiz, eger towende diyilgen herqandaq ehwal astida mugudep qalidighan ehwal mutleq yoq bolsa nol birisiz, bezide anche munche (10 qitim ichide 3 qitimdin az)  mugudep qalidighan ehwal  bolsa bir nomur birisiz, otural derijide mugudep qalidighan ehwal bolsa (10 qitim ichide 4 – 6 qitim) ikki nomur birisiz, ighir derijide (10 qitim ichide 7 qitimdin artuq) mugudep qalidighan ehwal mewjut bolsa uch nomur birisiz. Her bir turge birilgen nomurlarni qoshqanda, jemi nomur 10 yaki uningdin yuquri bolsa, sizde bu kiselning bar bolush ihtimaliq nahayti yuquri bolghan bolidu. Siz choqum uyqa mutexesisige korunup, bu jehette tekshurush ilip birishingiz zorur.
1.     Jim olturup kitap oqughanda
2.     Tilivizur koriwatqanda
3.     Jamaet sorunlirida mesilen tiyatirxanida, kinoxanida, yaki yighin zalida jim olturghanda
4.     Bashqilarning mashinisida uzun waqit jim olturghanda
5.     Chushtin kiyin sofada aram ilish uchun (biraq uxlash uchun emes) yatqanda
6.     Jim olturup bashqilar bilen paranglashqanda
7.     Chushluk tamaqtin kiyin jim olturghanda
8.     Mashina heydewitip qizil chiraqqa toxtighanda we yaki qatnash tosulup qalghanda.

Aldini ilish we dawalash

1.     Oruqlash, we beden eghirlighini konturul qilish;
2.     Beden chiniqturush;
3.     Tamaka chekmeslik we yaki tamakini tashlash;
4.     Haraq we bashqa mes qilish doriliridin yiraq turush;
5.     Uxlighanda dum yitish;
6.     Uxlighanda maskiliq sunni nepeslendurguch (CPAP) ishlitish;

Bu maqalining kona yiziqini towendiki ulanmidin korung