Siz yingi kiyimni yuyup kiyemsiz?

Siz yingi kiyimni yuyup kiyemsiz?

كونا يىزىق نۇسقىسىنى تۆۋەندىكى ئۇلانمىدىن كۆرۈڭ
http://izdinix.com/forum.php?mod=viewthread&tid=68509

Memet Emin

Ottuz yil ilgiri men Guangjuda  ali mektepte oquwatqanda, bir yataqta yatidighan bir sawaqdishim bazardin sitiwalghan yingi kiyimilirini yuyup tazlap andin kiyetti. Men ichimde uni "höpepni zhungdimay yeydighan, heseldin qil aridighan" dep mesxire qilattim. Ottuz yildin kiyinki bügünki künde men yingi alghan tirige biwaste tigip turidighan barliq kiyimlerni yuyup kiyishning zörürligini bildim. Ejiba men ottuz yil kiyin amirkida bilgen bu ishni u sawaqdishim ottuz yil ilgiri bilip bolghanmidu? Bunisi manga nemelum, belkim u sawaqdishimning yingi alghan kiyimlerni yuyup kiyishide bashqa sewepler bardu, we yaki bolmisa yingi kiyimdin rahetsizdur. Mining oghlummu yingi kiyimdin rahetsiz, yingi kiyimni yuyup bir mezgil keygendin kiyin andin shikayet qilishtin toxtaydu. Meyli sewep nime bolushtin qetti nezer, yingi kiyimni yuyup kiyish yaxshi bir adet iken.

Yapunluqlarning köpünchisi yingi kiyimni yuyup kiyishke adetlengen iken. Amirkidimu bezi kishiler yingi kiyimni yuyup kiyidiken. Men ularning undaq qilishini her bir insanning köngen shexsi adetliridin biri bolsa kirek dep bilettim. Bugun bir maqala körgendin kiyin uning sewebini toluq chüshendim, we dostlar bilen ortaqlishish üchün bu maqalini yizip dostlargha sundum.

Mutixesisler yingi sitiwalüan barliq ich kiyimlerni, paypaqni, we yazda kiyidighan tire bilen biwaste tigiship turidighan barliq kiyimlerni yuyup  kiyishni teshebbus qilidu. Uning sebi kiyim tikishke ishletken tala rexlerning terkiwidiki ximiyelik maddilar, kiyim tikish, qachilash jeryanida bulghanghan her xil baktiryeler tire bilen biwaste uchurshush we tiridiki ter bez töshükchisi arqiliq bedenge kirip, tirini ghidiqlash, tiride yallugh peyda qilish, tire rakini peyda qilish qatarliq yaman tesirlerni peyda qilish ihtimaliqi iken.

Kiyim kichek we saqliqni saqlash mutixesislerning bildürishiche barliq kiyim kicheklerde töwendi xeterlik amillar mewjut iken.

1. Kiyim kicheklerni ishlep chiqirish üchün ishlitighan sünni talalar terkiwide ximiyelik maddilar bar bolup, her qaysi döwletlerning bu talalar terkiwidiki ziyanliq ximiyelik maddilarning eng yuquri ölchimige bolghan telep we cheklimiler oxshash bolmighini üchün, bezi tallalar terkiwidiki ziyanliq maddilarning terkiwi yol qoyghan ölchemdin xili yuquri iken.

2. Tebbi talalar terkiwidimu bezi ximiyelik terkip bar iken, hem ularni ishlep chiqirish jeryanidi ximiyelik dorilar bilen bir terep qilidiken.

3. Barliq renglik rexlerni ximiyelik reng birish usuli arqiliq ishlep chiqiridiken.

4. Nurghun tala rex ishlep chiqiridighan zawut fabrikilarning muhiti nem bolghachqa, tala rexlerning nem hawada kökürüp qilishidin saqlash üchün, kökürüp qilishtin saqlaydighan ximiyelik maddilarni ishlitidiken.

5. Kiyim kichekler tikilip bolghandin kiyin, kiyim kicheklerning kökürüp qilishi we yaki renggining özgürep qilishidin saqlash üchün, bir xil ximiyelik maddini pürkidiken. Bu xil ximiyelik maddilar hetta sap paxta bilen ishlep chiqarghan ich kiyimlerdimu bar iken.

6. Kiyim kichek tikküchilerge, yimik ichmek ishlep chiqarghuchilargha qoyidighan undaq qattiq tazliq telepliri bolmighachqa, kiyim kicheklerning her xil baktirye we parazit qurutlar bilen bolghunup qilish ihtimali bar iken.

Yingi kiyim kichek terkiwidiki bu ziyanliq amillar, bezi qismen alahide sezgür ademlerge derhal tesir qilip, bezi jiddi xarektirliq inkaslarni qozghisimu, biraq mutleq köp sandiki kishilerge nisbeten, ularning beden'ge bolghan ziyini nahayti asta bolidu, bezilirining yaman tesiri bir nechche yilda körülse, yeni bezilirining yaman tesiri körülüshi üchün nechche on yil kiyidu. Köpünche ehwalda ularning bizge ilip kelgen yaman tesirini, biz qisqa waqit ichide periq etmeymiz. Biz bezide bezi bir tire kiselliklirige giriptar bolsaqmu, uning sewibini yingi kiyimlerni yumay keginimiz bilen baghlimaymiz.

Yingi kiyim kicheklerni kiyishtin burun yughanda, kiyim kichekler terkiwidiki barliq suda iridighan ximiyelik terkip we baktirye, parazit qurutlar tazlinishi, netijide ularning tirige bolghan ekis tesiri töwenlishi mümkin.